نصائح طبية للوقاية من السرطان

لو كنت فاكر إن الإندومى بتجيب سرطان، والميكروويڤ بيجيب سرطان، ومزيلات العرق، والأكل في الأواني البلاستيكية، والكلام في الموبايل أثناء الشحن بيجيب سرطان، واستخدام غلاية المياة، والشمع اللي علي التفاح، والمقلاة التيفال، وسماعات الأذن.. إلي آخرة من الكلام الفاضي اللي مفيش أى إثبات عليه.

بعض الحاجات دي فعلاً مؤذية لكن مش بتجيب سرطان! خلينا في الكلام المثبت علمياً إنه بيجيب سرطان ونتجنبه عشان نقي انفسنا من السرطان فعلاً بعيداً عن الشوشرة الفارغة.

نصائح ضرورية للوقاية من مرض السرطان

١. تجنب التدخين لأنه بيسبب السرطان، وتجنب التدخين السلبي (الجلوس مع المدخنين)

٢. الكحولات والخمور

٣. الأسبستوس Asbestos : تجنب استخدام أي منتج به مادة الأسبستوس

٤. الأشعة فوق البنفسجية، والجلوس بكثرة في الشمس، وحمامات الشمس

٥. اللحوم المصنعة بتجيب سرطان، تجنب أكل اللانشون والموداتيلا، والهوت دوج

٦. عوادم السيارات والعناصر الثقيلة: تجنب الأماكن اللي فيها عوادم سيارات كتير

٧. جرثومة المعدة أو الميكروب الحلزوني: لو عندك جرثومة المعدة إتعالج، وبلاش تنتظر لحد ما تصاب بالسرطان لا قدر الله

٨. الإلتهابات المزمنة الفيروسية B و C بتاعة الكبد بتجيب سرطان. اتعالج عشان متوصلش للسرطان إلا لو قالك الطبيب إن الفيروس كامن.

٩. بلاش تعمل أشعة سينية ومقطعية كل فترة. كثرة التعرض للأشعة دي بتسبب السرطان. اعمل الأشعة عند الضرورة فقط.

١٠. الـ human papillomavirus بيسبب السرطان: وهو عبارة عن فيرس بيصيب المناطق التناسلية. والسكوت عليه بيؤدى للإصابة بالسرطان.

أرجو من كل من يقرأ هذا الكلام يشيره مع أهله وأصدقاءه لكي يعرف الناس المعلومات الطبية الصحيحة بعيداً عن الأكاذيب. أتمني لكم الصحة والعافية والشفاء لكل المرضى.